കൊട്ടിയൂർ : മെയ് ദിനത്തോടനുബന്ധിച്ച് ഐ എൻ ടി യു സി കൊട്ടിയൂർ മണ്ഡലം കമ്മിറ്റിയുടെ നേതൃത്വത്തിൽ റാലിയും സംഗമവും നടത്തി. ജില്ലാ സെക്രട്ടറിഷിന്റോപ്പി ജോർജ് സംഗമം ഉദ്ഘാടനം ചെയ്തു. ലോകം നേരിടുന്ന യുദ്ധത്തിന്റെയും, സംഘർഷത്തിന്റെയും ഇരകളാകുന്നത് സാധാരണക്കാരും, തൊഴിലാളികളും, പിഞ്ചുകുഞ്ഞുങ്ങളും വരെയുള്ള നിരപരാധികൾ ആണെന്നും ലോക സമാധാനത്തിനു വേണ്ടി നേതൃത്വം കൊടുത്തിരുന്ന ജവഹർലാൽ നെഹ്റുവിനെ പോലുള്ള മഹാന്മാരുടെ പാത പിന്തുടരാൻ നരേന്ദ്രമോദിയെ പോലുള്ള നേതാക്കന്മാർക്ക് കഴിയാതെ പോകുന്നത് ഇന്ത്യയുടെ പരാജയമാണെന്നും ഉദ്ഘാടന യോഗത്തിൽ ഷിൻ്റോപ്പി ജോർജ് പറഞ്ഞു. ലോകസമാധാനം ഉണ്ടാകേണ്ടത് സാധാരണക്കാരുടെയും, തൊഴിലാളികളുടെയും നിലനിൽപ്പിന് ആവശ്യമാണെന്നും സംഗമം ഉദ്ഘാടനം ചെയ്ത ഷിന്റോപ്പി ജോർജ് പറഞ്ഞു. യോഗത്തിൽ മണ്ഡലം സെക്രട്ടറി ജോർജ് കോട്ടൂർ അധ്യക്ഷത വഹിച്ചു.
ബിൻസി ഉറുമ്പിൽ, റോയ് പീത്തുരുത്തേൽ, കെ.വി.സാബു, ജോബിഷ് ജോസഫ്, ജെയ്സൺ നിരപ്പത്ത് സാജോ മേൽപ്പനാം തോട്ടത്തിൽ തുടങ്ങിയവർ പ്രസംഗിച്ചു.
A May Day rally and an anti-war meeting were held.
